റായ്പുര്: ഛത്തീസ്ഗഡില് അറസ്റ്റിലായ മലയാളി കന്യാസ്ത്രീകള്ക്ക് ജാമ്യം നല്കുന്നതിനെ എതിര്ത്ത് പ്രോസിക്യൂഷന്. ബിലാസ്പുരിലെ എന്ഐഎ കോടതിയില് ജാമ്യാപേക്ഷ പരിഗണിച്ചപ്പോഴാണ് സര്ക്കാര് ജാമ്യം നല്കുന്നതിനെ എതിര്ത്തത്. ജാമ്യാപേക്ഷ വിധി പറയാന് മാറ്റി. കേസില് നാളെ വിധി പറയും.കേരളത്തിലെ ബിജെപി നേതൃത്വത്തിന്റെ ഇടപെടലുണ്ടായിട്ടും ജാമ്യാപേക്ഷയെ എതിര്ത്ത നിലപാടാണ് ഛത്തീസ്ഗഡ് സര്ക്കാര് എന്ഐഎ കോടതിയില് സ്വീകരിച്ചത്.മുതിര്ന്ന അഭിഭാഷകന് അമൃതോ ദാസ് ആണ് കന്യാസ്ത്രീകള്ക്ക് വേണ്ടി കോടതിയില് ഹാജരായത്. വളരെ നീണ്ടുനിന്ന കൂടിയാലോചനകള്ക്ക് ശേഷമാണ് ബിലാസ്പൂരിലെ എന്ഐഎ കോടതിയില് തന്നെ ജാമ്യാപേക്ഷ നല്കാം എന്ന് സഭാനേതൃത്വം തീരുമാനിച്ചത്.
