കൊച്ചി: ആലപ്പുഴ വണ്ടാനം മെഡിക്കല് കോളേജിലെ ചികിത്സാ പിഴവിന് ഇരയായ ഉഷാ ജോസഫിന്റെ ശസ്ത്രക്രിയ നാളെ നടക്കും. ആരോഗ്യമന്ത്രി വീണ ജോര്ജ് ഉഷയുടെ മകന് ഷിബിനെ ഫോണില് വിളിച്ച് സംസാരിച്ചു. ചികിത്സാ ചെലവ് സര്ക്കാര് വഹിക്കുമെന്നും കുറ്റക്കാര്ക്കെതിരെ ശക്തമായ നടപടി ഉണ്ടാകുമെന്നും അറിയിച്ചു.
കൊച്ചി അമൃത ആശുപത്രിയിലാണ് ഉഷ നിലവില് ചികിത്സയില് കഴിയുന്നത്. ഉഷയുടെ ശസ്ത്രക്രിയ നാളെ നടക്കുമെന്ന് അമൃത ആശുപത്രി അധികൃതരാണ് അറിയിച്ചിരിക്കുന്നത്. സിടി സ്കാന് പരിശോധന പൂര്ത്തിയായി. അതിന്റെ റിപ്പോര്ട്ട് ലഭിച്ച ശേഷം ഇന്ന് അമൃത ആശുപത്രിയിലെ വിവിധ ഡിപ്പാര്ട്ട്മെന്റിലെ ഡോക്ടര്മാര് ചേര്ന്ന് മെഡിക്കല് ബോര്ഡ് യോ?ഗം ചേരും. റിപ്പോര്ട്ട് വിശദമായി പഠിച്ച ശേഷം നാളെയായിരിക്കും ശസ്ത്രക്രിയ നടത്തുന്നത്.
