കോഴിക്കോട് വലിയങ്ങാടിയില് കെട്ടിടത്തിന്റെ കോണ്ക്രീറ്റ് സ്ലാബ് തകര്ന്ന് വീണ് 3 തൊഴിലാളികള് മരിച്ചു
കോഴിക്കോട്: കോഴിക്കോട് വലിയങ്ങാടിയില് കെട്ടിടത്തിന്റെ കോണ്ക്രീറ്റ് സ്ലാബ് തകര്ന്നുവീണുണ്ടായ അപകടത്തില് 3 പേര് മരിച്ചു. ജബ്ബാര്, അഷ്റഫ്, ബഷീര് എന്നിവരാണ് മരിച്ചത്. അപകടത്തില് പരിക്കേറ്റ 5 പേരെ രക്ഷപ്പെടുത്തി ആശുപത്രിയിലേക്ക് മാറ്റിയിരുന്നു. ഇവരില് മൂന്ന് പേരുടെ മരണമാണ് ഇപ്പോള് സ്ഥിരീകരിച്ചിരിക്കുന്നത്. ബീച്ചിലെ പഴയ പാസ്പോര്ട്ട് ഓഫീസ് കെട്ടിടമാണ് തകര്ന്നുവീണത്. മരിച്ച ഇരുവരും ലോഡിങ്ങ് തൊഴിലാളികളാണ്. കിണാശ്ശേരി സ്വദേശിയാണ് ജബ്ബാര്. തൊട്ടടുത്തുള്ള സ്ഥാപനത്തിന്റെ ഗോഡൗണായി പ്രവര്ത്തിച്ചു വരികയായിരുന്നു ഈ കെട്ടിടം. ഇവിടേക്കുള്ള സാധനങ്ങള് ഇറക്കിയതിന് ശേഷം ഷട്ടറിനോട് ചേര്ന്നുള്ള തറയിലിരുന്ന് വിശ്രമിക്കുകയായിരുന്നു ഇവര്. ആ സമയത്താണ് കെട്ടിടത്തിന്റെ സ്ലാബ് തകര്ന്നു വീണത്. ഏഴുപേരില് രണ്ട് പേര്ക്ക് ഓടി മാറാന് സാധിച്ചു. എന്നാല് ബാക്കി 5 പേരുടെ മുകളിലേക്ക് സ്ലാബ് പതിക്കുകയായിരുന്നു.
കോര്പറേഷന്റെ ഉടമസ്ഥതയിലുള്ള കെട്ടിട ഭാഗമാണ് തകര്ന്നത്. കെട്ടിടത്തിന്റെ കാലപ്പഴക്കമാണ് അപകടകാരണമെന്ന് ദൃക്സാക്ഷികള് പറയുന്നു. കെട്ടിടത്തിലേക്ക് ഇനി ആളുകളെ പ്രവേശിപ്പിക്കില്ലെന്ന് സ്ഥലത്തെത്തിയ മേയര് വ്യക്തമാക്കി.
