തൃശൂര്: ആഗോള അയ്യപ്പ സംഗമം തീരുമാനിച്ചത് ദേവസ്വം ബോര്ഡാണെന്നും അതിന് രാജ്യത്തിന്റെ നല്ല അംഗീകാരം കിട്ടിയിട്ടുണ്ടെന്നും സിപിഎം സംസ്ഥാന സെക്രട്ടറി എംവി ഗോവിന്ദന് പറഞ്ഞു. മതത്തെയും വിശ്വാസത്തെയും രാഷ്ട്രീയ അധികാരത്തിലേക്ക് പ്രവേശിപ്പിക്കുന്നതിന്റെ പേരാണ് വര്ഗീയത. ഇത്തരം വര്ഗീയവാദികള്ക്ക് ഒപ്പം കമ്മ്യൂണിസ്റ്റ് പാര്ട്ടിയില്ല. കമ്മ്യൂണിസ്റ്റ് പാര്ട്ടി വിശ്വാസികള്ക്കൊപ്പമാണ്. യുവതി പ്രവേശനം കഴിഞ്ഞുപോയ അദ്ധ്യായമാണ്.
ഇപ്പോള് അതിനെക്കുറിച്ച് അഭിപ്രായം പറയാനില്ല. യുവതി പ്രവേശനം അധ്യായമേ വിട്ടുകളഞ്ഞതാണ്. അയ്യപ്പ സംഗമം ഭൂരിപക്ഷ പ്രീണനമാണെന്നാണ് വര്ഗീയ വാദികള് പറയുന്നത്. എന്നാല്, വിശ്വാസികളെ ഉപയോഗപ്പെടുത്താനാണ് വര്ഗീയവാദികള് ശ്രമിക്കുന്നത്. വിശ്വാസികളെ കൂട്ടിച്ചേര്ത്തുവേണം വര്ഗീയവാദികളെ ഫലപ്രദമായി പ്രതിരോധിക്കാനെന്നും എംവി ഗോവിന്ദന് പറഞ്ഞു.
