ദില്ലി: ട്രെയിന്‍ യാത്രക്കാര്‍ക്ക് ഒരു സന്തോഷവാര്‍ത്ത. ഇന്ത്യന്‍ റെയില്‍വേ കാറ്ററിംഗ് ആന്‍ഡ് ടൂറിസം കോര്‍പ്പറേഷന്‍ (ഐആര്‍സിടിസി) ഭക്ഷ്യ വിതരണത്തിനായി ഓണ്‍ലൈന്‍ ഫുഡ് ഡെലിവറി പ്ലാറ്റ്‌ഫോമായ സ്വിഗ്ഗി ഫുഡുമായി കൈകോര്‍ക്കുന്നു. ഐആര്‍സിടിസിയുടെ ഈ തീരുമാനത്തിലൂടെ യാത്രക്കാര്‍ക്ക് ഇഷ്ടപ്പെട്ട ഭക്ഷണം ലഭിക്കും. കരാറനുസരിച്ച് മുന്‍കൂട്ടി ഓര്‍ഡര്‍ ചെയ്ത ഭക്ഷണം സ്വിഗ്ഗി വിതരണം ചെയ്യും. ആദ്യ ഘട്ടമെന്ന് നിലയ്ക്ക് ഐആര്‍സിടിസി ഇ-കാറ്ററിംഗ് പോര്‍ട്ടല്‍ വഴി മുന്‍കൂട്ടി ഓര്‍ഡര്‍ ചെയ്ത ഭക്ഷണം വിതരണം ചെയ്യുന്നതിനുമായി നാല് റെയില്‍വേ സ്റ്റേഷനുകള് പോയിന്റ് ഓഫ് കണ്‍സെപ്റ്റ് (പിഒസി) ആയി ഐആര്‍സിടിസി അംഗീകരിച്ചിട്ടുണ്ട്. ബെംഗളൂരു, ഭുവനേശ്വര്‍, വിജയവാഡ, വിശാഖപട്ടണം എന്നിവയാണ് ഈ നാല് സ്റ്റേഷനുകള്. ഭക്ഷണ വിതരണ സൗകര്യം ഉടന്‍ ആരംഭിക്കും.
ആദ്യമായി യാത്രക്കാര്‍ ഐആര്‍സിടിസി ഇ-കാറ്ററിംഗ് പോര്‍ട്ടലില്‍ അവരുടെ പിഎന്‍ആര്‍ നല്‍കണം. തുടര്‍ന്ന് ഒരു ഔട്ട്ലെറ്റ് തിരഞ്ഞെടുക്കുക. ഇഷ്ടമുള്ള ഭക്ഷണം തിരഞ്ഞെടുത്ത് ഓര്‍ഡര്‍ പൂര്‍ത്തിയാക്കുക, തുടര്‍ന്ന് ഓണ്‍ലൈനായി പണമടയ്ക്കുക അല്ലെങ്കില്‍ ഡെലിവറി ഓര്‍ഡറില്‍ പണം ഷെഡ്യൂള്‍ ചെയ്യുക. ഭക്ഷണം നിങ്ങളുടെ സീറ്റില്‍ എത്തിക്കും.
ഏതാനും മാസങ്ങള്‍ക്ക് മുമ്പ്, വിവിധ റെയില്‍വേ സ്റ്റേഷനുകളില് മുന്‍കൂട്ടി ഓര്‍ഡര്‍ ചെയ്ത ഭക്ഷണം ചെയ്യുന്നതിനായി ഐആര്‍സിടിസി ഫുഡ് ഡെലിവറി ആപ്ലിക്കേഷനായ സൊമാറ്റോയുമായി കരാറിലെത്തിയിരുന്നു. ട്രെയിന്‍ യാത്രക്കാര്‍ക്ക് ന്യൂഡല്‍ഹി, പ്രയാഗ്രാജ്, കാണ്‍പൂര്‍, ലഖ്നൗ, വാരണാസി എന്നിവയുള്‍പ്പെടെ തിരഞ്ഞെടുത്ത സ്റ്റേഷനുകളില് സൊമാറ്റോ സേവനങ്ങള്‍ ലഭിക്കും.
