തൃശ്ശൂര്: പീച്ചി പൊലീസ് സ്റ്റേഷന് മര്ദനത്തില് കടവന്ത്ര സിഐ പി വി രതീഷിന് കാരണം കാണിക്കല് നോട്ടീസ്. രതീഷ് പീച്ചി എസ്ഐ ആയിരുന്നപ്പോഴാണ് സംഭവം നടന്നത്. നടപടിയെടുക്കാതിരിക്കാന് 15 ദിവസത്തിനകം കാരണം ബോധിപ്പിക്കണമെന്ന് നോട്ടീസില് ആവശ്യപ്പെടുന്നു. മറുപടി കിട്ടിയാലുടന് രതീഷിനെതിരെ നടപടിയെടുക്കും. അഡീഷണല് എസ്പി ശശിധരന്റെ അന്വേഷണത്തില് രതീഷ് കുറ്റക്കാരനെന്ന് കണ്ടെത്തിയിരുന്നു. ദക്ഷിണമേഖല ഐജി ശ്യാംസുന്ദര് ആണ് നോട്ടീസ് നല്കിയത്. നോട്ടീസ് നല്കുന്നത് നടപടിക്രമങ്ങള് പൂര്ത്തിയാക്കുന്നതിന്റെ ഭാഗമായി മാത്രമാണ്.
അഡീഷണല് എസ് പിക്ക് രതീഷ് നല്കിയ മറുപടിയും പുറത്ത് വന്നിട്ടുണ്ട്. ദിനേശനെ വായില് ബിരിയാണി കുത്തിക്കയറ്റി കൊല്ലാന് ശ്രമിച്ചെന്നാണ് പരാതി കിട്ടിയതെന്നും ഇതേ തുടര്ന്നാണ് ഹോട്ടല് മാനേജറേയും ഡ്രൈവറെയും സ്റ്റേഷനില് വിളിച്ചുവരുത്തിയതെന്നുമാണ് രതീഷ് പറയുന്നത്. എന്നാല് താന് ഹോട്ടല് ജീവനക്കാരെ മര്ദ്ദിച്ചിട്ടില്ലെന്നുമാണ് രതീഷിന്റെ ന്യായീകരണം .
2023 മേയ് 24ന് തൃശൂര് പട്ടിക്കാട് ലാലീസ് ഹോട്ടല് മാനേജരെയാണ് പീച്ചി എസ്ഐ ആയിരുന്ന പി എം രതീഷ് മര്ദിച്ചത്. ഹോട്ടല് മാനേജര് കെ പി ഔസേപ്പിനേയും മകനേയുമാണ് എസ് ഐ മര്ദിച്ചത്. ഹോട്ടലില് ഭക്ഷണം കഴിക്കാനെത്തിയ ആള് നല്കിയ വ്യാജ പരാതിക്ക് പിന്നാലെയായിരുന്നു മര്ദനം. സംഭവത്തില് പരാതി നല്കാന് ഔസേപ്പും ഡ്രൈവറും പൊലീസ് സ്റ്റേഷനില് എത്തിയിരുന്നു. അപ്പോഴാണ് ചുമരുചാരി നിര്ത്തി മര്ദനം ഉണ്ടായത്. എസ്ഐ ഫ്ളാസ്ക് കൊണ്ട് തല്ലാന് ശ്രമിച്ചെന്നും ശേഷം മുഖത്ത് അടിച്ചു. ഇത് ചോദിക്കാന് ചെന്ന തന്റെ മകനേയും ലോക്കപ്പിലിട്ടുവെന്ന് ഔസേപ്പ് പറഞ്ഞിരുന്നു.
c07ioo