തിരുവനന്തപുരം: പിണറായി വിജയന് മുഖ്യമന്ത്രിയായിരിക്കെ ആലപ്പുഴയില് വെച്ച് ഗണ്മാന്മാര് യൂത്ത് കോണ്ഗ്രസ് - കെ എസ് യു പ്രവര്ത്തകരെ മര്ദ്ദിച്ച സംഭവത്തില് അന്വേഷണത്തിനായി പ്രത്യേക സംഘത്തെ നിയോ?ഗിച്ചു. ആലപ്പുഴ ക്രൈംബ്രാഞ്ച് എസ് പി ഷൗക്കത്തലിയുടെ നേതൃത്വത്തിലായിരിക്കും അന്വേഷണം. ഡി വൈ എസ് പി ബൈജു പൗലോസായിരിക്കും അന്വേഷണ ഉദ്യോഗസ്ഥന്. ഇത് സംബന്ധിച്ച് കേരള പൊലീസ് ഉത്തരവിറക്കി. ബൈജു പൗലോസ് അടക്കമുള്ള 6 ഉദ്യോഗസ്ഥരടങ്ങുന്ന സംഘമാണ് ഗണ്മാന്മാരുടെ 'രക്ഷാപ്രവര്ത്തനം' അന്വേഷിക്കുക. കരിങ്കൊടി കാണിക്കാന് ശ്രമിച്ച യൂത്ത് കോണ്ഗ്രസ് - കെ എസ് യു പ്രവര്ത്തകരെ ഗണ്മാന്മാര് മര്ദ്ദിച്ചതിനെ അന്നത്തെ മുഖ്യമന്ത്രി പിണറായി വിജയന് 'രക്ഷാപ്രവര്ത്തനം' എന്ന് വിശേഷിപ്പിച്ചത് വലിയ വിവാദമായിരുന്നു. രണ്ടാഴ്ചക്കിടയില് അന്വേഷണ പുരോഗതി റിപ്പോര്ട്ട് സമര്പ്പിക്കണമെന്നും ഒരു മാസത്തില് അന്വേഷണ റിപ്പോര്ട്ട് സമര്പ്പിക്കണമെന്നും ഉത്തരവില് വ്യക്തമാക്കിയിട്ടുണ്ട്. മുഖ്യമന്ത്രിയായി വി ഡി സതീശന് അധികാരമേറ്റതിന് പിന്നാലെ ഇക്കാര്യത്തില് പുനരന്വേഷണം ഉണ്ടാകുമെന്ന് വ്യക്തമാക്കിയിരുന്നു.
