ദില്ലി: നിയമസഭാ തെരഞ്ഞെടുപ്പില് കെ സുധാകരന് സ്ഥാനാര്ത്ഥി പട്ടികയിലില്ലെന്ന സൂചന നല്കി നേതാക്കള്. കണ്ണൂരില് ടി ഒ മോഹനന് തന്നെ സ്ഥാനാര്ത്ഥിയാകും എന്നാണ് വിവരം. രാഹുല് ഗാന്ധിയാണ് സുധാകരനുമായി അനുനയം വേണ്ടെന്ന നിലപാട് എടുത്തത്. സി ഇസി യോഗത്തില് മല്ലികാര്ജുന് ഖര്ഗെക്കൊപ്പം രാഹുല് ഗാന്ധിയും ഉറച്ച് നില്ക്കുകയായിരുന്നു. എന്നാല് മത്സരിക്കുമെന്ന് ഉറച്ച തീരുമാനത്തിലാണ് കെ സുധാകരന്. കണ്ണൂരില് സ്വതന്ത്രനായി മത്സരിക്കാനാണ് സുധാകരന്റെ തീരുമാനം എന്നാണ് സൂചന. എംപിമാര് നിയമസഭാ തെരഞ്ഞെടുപ്പില് മത്സരിക്കില്ലെന്ന് പാര്ട്ടി നേരത്തേ തീരുമാനം വ്യക്തമാക്കിയിരുന്നുവെങ്കിലും സുധാകരന് അത് മറികടന്ന് കലാപക്കൊടി ഉയര്ത്തുകയായിരുന്നു.
